Kosova – Çekia, të gjitha biletat shiten brenda 15 minutave

  • 19 August 2019 - 16:16
Kosova – Çekia, të gjitha biletat shiten brenda 15 minutave

Stadiumi “Fadil Vokrri” do të jetë i stërmbushur për ndeshjen Kosova – Çekia.

Gjatë ditës së sotme u hodhën në shitje biletat për ndeshjen që Kosova do ta zhvillojë me Çekinë me 7 shtator në stadiumin “Fadil Vokrri”.

Raportohet se interesimi ka qenë tepër i amdh për t’i blerë ato online dhe janë shitur menjëherë që të gjitha, çka do të thotë se “Dardanët” do të kenë përkrahjen maksimale në natën e 7 shtatori në Prishtinë.

Kjo nuk është hera e parë që stadiumi “Fadil Vokrri” me kapacitet 12.500 ulse, mbushet përplot me tifozë, të cilët duan t’i shohin nga afër idhujt e tyre dhe të mbështesin Kosovën në rrugëtimin për Kampionatin Evropian 2020.

Pas tri ndeshjeve në Grupin A, Kosova renditet e treta me pesë pikë, një më pak se rivali i 7 shtatori, Çekia, që ka grumbulluar gjashtë pikë, aq sa Anglia në vendin e parë, por kjo e fundit me një ndeshje më pak të zhvilluar.

Image

(Kosova Sot Online)