Barça ia vë syrin Mandzukicit

Gjiganti katalunas është në kërkim të një sulmuesi tjetër, si alternativë të Neymarit

Tashmë dihet botërisht se objektivi më i madh i Barcelonës për këtë verë është ylli brazilian, Neymar.

Mirëpo, gjiganti katalunas po përgatit skenarë të tjerë nëse nuk arrin ta transferojë sulmuesin e Paris Saint-Germainit.

Sipas mediave italiane, kampioni i Spanjës ia ka vënë syrin sulmuesit të Juventusit, Mario Mandzukic.

“Tuttosport” shkruan se përfaqësuesi kroat mund të largohet nga Serie A për ta vazhduar karrierën në La Liga.

Ndërkohë, “Bianconeri” po e mendojnë një shkëmbim në mes të ish-futbollistit të Bayern Munichut me Ivan Rakiticin nëse Barça pranon.

Mandzukic po ashtu flitet se mund të rikthehet në Gjermani këtë verë, ku e do gjiganti bavarez. 

(Kosova Sot Online)