Majlinda fiton medalje në Botëror, ia uron Ramush Haradinaj
Suksesit të Majlinda Kelmendit në Kampionatin Botëror të xhudos i janë gëzuar të gjithë shqiptarët.
Edhe Kryeministri në detyrë, Ramush Haradinaj e ka përgëzuar xhudisten pejane për medaljen e bronztë të fituar në Tokio Sot.
“Majlindë! Rruga jote në majat olimpike jo çdo herë rezulton me fitore. Por, kjo rrugë e një personi të pathyeshëm si TI, është fitore e përhershme për Kosovën. Sot e përjetësisht, çdo shqiptar është me TY, që vendit dhe popullit i ke dhënë krenarinë dhe emocionet më të veçanta, duke e vendosur përgjithmonë Kosovën në hartën e të artëve. Faleminderit! RH”, ka shkruar Haradinaj.
Siç dihet, ditë më parë trajneri i Majlindës, Driton Kuka iu bashkua partisë së Haradinajt, Aleanca për Ardhmërinë e Kosovës.
(Kosova Sot Online)