Reali e PSG-ja i shkëmbejnë portierët?
Reali dhe PSG-ja po planifikojnë t’i shkëmbejnë portierët e tyre në fund të afatit kalimtar, Keylor Navas e Alphonse Areola
Real Madrid dhe Paris Saint-Germaini po planifikojnë t’i shkëmbejnë portierët e tyre në ditët e fundit të afatit kalimtar të verës.
Me këtë rast, Keylos Navas do të përfundonte në kryeqytetin francez, kurse Alphonse Areola do të përfundonte në Spanjë.
Lajmin e ka bërë të ditur e përditshmja spanjolle “AS”.
Navas e ka shprehur dëshirën e largimit nga Madridi pasi ka përfunduar si rezervist i Thibaut Courtois.
Duke e pasur parasysh largimin e Gianluigi Buffonit, portieri nga Kosta Rika do të ishte titullar në “Parkun e Princave”.
Navas thuhet se e ka arritur marrëveshjen personale me PSG-në.
(Kosova Sot Online)