Arrihet marrëveshja: Icardi i bashkohet PSG-së

Mauro Icardi është pajtuar t’i bashkohet Paris Saint-Germainit si lojtar i huazuar nga Interi dhe do të fluturojë drejt Parisit për teste mjekësore në orët në vazhdim, raportojnë media të ndryshme botërore.

Para kalimit në Ligë 1, sulmuesit argjentinas iu kërkua nga Interi që së pari ta zgjasë kontratën me klubin deri në qershor të vitit 2022, pasi zikaltrit nuk donin të rrezikonin që ta humbnin atë si lojtar të lirë verën e vitit 2021.

Sipas RMC në Francë dhe disa mediave italiane, Icardi do të fluturojë drejt Parisit në orën 15:00 për teste mjekësore.

Sipas RMC Sport, në marrëveshjen mes klubeve, PSG-ja nuk ka opsion për ta blerë Icardin në fund të sezonin, pra vetëm huazim i thjeshtë.

Në anën tjetër, Sky Sport Italia dhe La Gazzetta dello Sport, raportojnë se PSG-ja e ka një opsion për ta blerë argjentinasin për 75 milionë euro.

(Kosova Sot Online)