Emre Can refuzoi transferimit tek skuadra spanjolle

Mesfushori gjerman, Emre Can ka mbetur te Juventusi përkundër ofertave që kishte.

Por si duket Zonja e Vjetër nuk llogarit në yllin gjerman dhe trajneri Maurizio Sarri e ka lënë jashtë listës së lojtarëve që do të luajnë në Ligën e Kampionëve.

Can ka mundur të transferohet tek ekipi i njohur spanjoll Real Betis, që kishte bërë ofertë në ditën e fundit të afatit kalimtar të verës.

Juventus kishte pranuar ofertën e Betis prej 25 milionë euro, por në fund ka qenë lojtari që ka refuzuar kalimin në La Liga. 

25-vjeçari i kishte bërë të qartë Juventusit se do të pranonte transferimin vetëm tek skuadrat Borussia Dortmund, Bayern Munich apo Paris Saint Germain.

Gjithsesi edhe pse bisedoi Juventusi me skuadrat e lartpërmendura, në fund nuk u arrit ndonjë marrëveshje dhe gjermani mbeti në Torino.

Can ka bërë me dije se do të largohet nga Juventusi gjatë afatit kalimtar të janarit.

(Kosova Sot Online)