Befason Carragher: Man City është favorit për ta fituar titullin në Ligën Premier

  • 12 September 2019 - 14:28
Befason Carragher: Man City është favorit për ta fituar titullin në Ligën Premier

Legjenda e Liverpoolit, Jamie Carragher ka thënë se Manchester City mbetet favorit për të fituar Ligës Premier përpara ish-skuadrës së tij.

Liverpooli ka bërë një fillim perfekt të sezonit në ligë, duke fituar katër ndeshjet e tyre të para për të mbajtur një epërsi prej dy pikësh në fillim të sezonit.

Por, Carragher, i cili fitoi Ligën e Kampionëve gjatë karrierës së tij me Liverpoolin, beson se City është akoma favoritë për ta fituar titullin.

“Mendoj se është pak herët. Mendoj se duhet të presim deri në Krishtlindje”, ka thënë fillimisht Carragher. 

“Në Krishtlindje, Liverpool dhe City do të kenë një hendek të konsiderueshëm dhe duket sikur ka pak boshllëk në këtë moment”.

“Por, unë ende mendoj se City është favorit dhe janë skuadra më e mirë në Ligën Premier në këtë moment sepse ata fituan kampionatin dhe e vërtetuan atë sezonin e kaluar”.

“Kështu që unë mendoj se i nevojitet punë akoma Liverpoolit për të kapërcyer Cityn, por janë më se të aftë”, përfundoi anglezi.

(Kosova Sot Online)