Tierney i Arsenalit e turpëron Mustafin në stërvitje
Kieran Tierney e turpëroi Shkodran Mustafin duke ia futur atij topin nën këmbë qysh në seancën e tij të parë stërvitore me skuadrën e Arsenalit.
Mbrojtësi anësor skocez u rikuperua plotësisht nga lëndimi i tij dhe të enjten iu bashkua skuadrës së Arsenalit në stërvitjen e tij të parë stërvitore. Ai e prezantoi veten para bashkëlojtarëve duke e shkatërruar Shkodran Mustafin gjatë një ushtrimi.
Kjo gjë bëri që lojtarët e tjerë të Arsenalit të fillonin të qeshnin, përkundër tentimeve të Mustafit për ta arsyetuar veten.
Tierney arrives at the club to put the nail in the coffin before Mustafi's departure, Pepe cheers him on: "End this man". pic.twitter.com/MGkzNgzqZ7
— Arsenalian (@Arsenalian6) September 12, 2019
Tierney ende nuk ka luajtur në asnjë ndeshje për Arsenalin, pasi e kompletoi transferimin e tij nga Celticu për 25 milionë funte këtë verë. Ai është duke u rikuperuar nga një lëndim i gjurit, përderisa verës edhe ishte bërë operacion për shkak të një problemi tjetër.
Ai ishte njëri ndër gjashtë transferimet e Arsenalit gjatë këtij afati kalimtar të verës dhe trajneri i klubit, Unai Emery, ka thënë se dëshiron që lojtarët e rinj të skuadrës të përshtaten më shpejt me ligën dhe ekipin.
“Së pari, ne duhet ta përmirësojmë përshtatjen e lojtarëve të ndryshëm që kanë ardhur në skuadër në momentet e fundit. Gjithashtu, ne duhet të përmirësohemi edhe në mënyrën tonë”, tha Emery.
Tierney pritet të debutojë për Arsenalit para fundit të këtij muaji. Ai mund ta veshë fanellën e Arsenalit për herë të parë ose në ndeshjen kundër Aston Villës, ose në atë kundër Manchester Unitedit.
Ndërkohë, “Topçinjtë” i kanë fituar dy nga katër ndeshje hapëse të sezonit të ri të Premierligës. Ata radhiten në pozitën e pestë në tabelën e ligës dhe të dielën do ta luajnë kundër Watfordit.
(Kosova Sot Online)