Llapi e mund Prishtinën midis “Fadil Vokrri”
Llapi e ka mposhtur 1-0 Prishtinën në stadiumin “Fadil Vokrri”, për t’i marrë pikët e plota në shtëpi.
Në xhiron e katërt në Ipko Superligë, Prishtina ka gabuar para tifozëve të vet duke pësuar humbje minimale, 0-1 nga Llapi.
Goli i vetëm në këtë ndeshje u shënua në pjesën e parë, në minutën e 31-të.
Ishte Sebino Plaku ai që e dërgoi topin në rrjetë, pas një aksioni super të mirë të mysafirëve, dhe harkimit fantastik të Benjamin Eminit.
Në pjesën e dytë, Prishtina u mundua t’i kthejë gjërat në favorin e saj, por rezultati mbeti ai i pjesës së parë.
Kjo është humbja e tretë e Prishtinës këtë edicion, derisa ka vetëm një barazim pas tri xhirove.
Në anën tjetër, për Llapin kjo është fitorja e dytë dhe ka shkuar në kuotën e shtatë pikëve.
(Kosova Sot Online)