Messi i lirë të largohet nga Barça në verë, babai i tij takohet me Inter Miami

  • 15 shtator 2019 - 10:58
Messi i lirë të largohet nga Barça në verë, babai i tij takohet me Inter Miami

David Beckham është duke i përshpejtuar përpjekjet për ta transferuar Lionel Messin në klubin e vet në MLS, Inter Miami.

Beckham e ka dërguar sekserin e vet Paul McDonough në Londër për të biseduar me babanë e superyllit të Barcelonës, Jorge, sipas The Sun.

Ish-ylli i Manchester Unitedit dhe Anglisë ka synime të mëdha si pronar i Inter Miamit dhe e do Messin pjesë të tij.

Inter Miami do t’i bashkohet ligës amerikane sezonin e ardhshëm, me gjithë problemet për gjetjen e stadiumit të ëndrrave.

Lajmet se Messi mund të largohet nga Barcelona si lojtar i lirë verën e ardhshme e kanë alarmuar Bechkamin dhe McDonough, me këtë të fundit që është nisur drejt Londrës për bisedime me të atin e argjentinasit.

(Kosova Sot Online)