Neymarit nuk i bëjnë përshtypje kritikat e vërshëllimat e tifozëve

Është tip që e shijon jetën, dhe do të vazhdojë ta bëjë pa marrë parasysh se çfarë ndodh.

Pak ditë pas vërshëllimeve të shumta në “Parc des Princes”, ku Neymar shënoi golin e tri pikëve në minutën e 92-të, braziliani është shfaqur në rrjete sociale.

Ai ka publikuar një video duke vallëzuar.

Neymar për 90 minuta në “Parc des Princes” mori vetëm vërshëllima nga tifozët që vazhdojnë ta urrejnë për atë që ndodhi gjatë verës, insistimin që të kthehet në Barcelonë – diçka që nuk pranoi PSG-ja, jo pa të paktën 300 milionë euro që hezitoi t’i paguajë Barça.

(Kosova Sot Online)