Shaqiri flet për situatën e tij te Liverpooli: Jam pesimist

  • 20 shtator 2019 - 09:28
Shaqiri flet për situatën e tij te Liverpooli: Jam pesimist

Ylli shqiptar, Xherdan Shaqiri ka thënë se është i gatshëm të pranojë situatën e tij te Liverpooli.

Por, ai pranoi se ndjehet ‘pesimist’ në përgjigje të mungesës së minutave të tij në këtë sezon. Këto fjalë ylli shqiptar i tha gjatë një interviste me mediumin e njohur zviceran Teleclub. “Nuk është e lehtë për mua, sigurisht që jam pak pesimist”, ka thënë fillimisht Shaqiri.

“Duhet të jesh në gjendje ta trajtosh atë dhe duhet ta pranosh, unë gjithmonë isha në skuadër”. “Ju nuk mund t’i kërkoni trajnerit të luash çdo ndeshje”.

Shaqiri insistoi gjithashtu se është i lumtur edhe përkundër kësaj dhe synon ta fitojë titullin e Ligës Premier me Reds. “Ndihem shumë komod këtu. Kemi një trajner të shkëlqyeshëm, një klub të shkëlqyeshëm. Ndjehemi si një familje”.

“Shpresoj se mund ta sjellim titullin e Ligës Premier në Liverpool pas 30 vjetësh”, përfundoi ylli shqiptar. 

(Kosova Sot Online )