Griezmann negocoi me Barçën kur kushtonte 200 milionë euro
Sulmuesi francez i kishte nisur bisedimet me gjigantin katalunas që nga muaji mars i këtij viti, ende pa i zbritur klauzola e shkëputjes së kontratës në 120 milionë euro
Antoine Griezmann i kishte nisur negociatat me Barcelonën disa muaj para transferimit të tij në Camp Nou.
E përditshmja spanjolle “El Mundo Deportivo” merr vesh se sulmuesi francez kishte diskutuar me gjigantin katalunas kur klauzola e shkëputjes së kontratës së tij kushtonte 200 milionë euro.
Mediumi spanjoll iu referohet emailave që ishin shkëmbyer në mes të dy palëve, të cilat i kishin nisur negociata në fillim të muajit mars, për një marrëveshje eventuale.
Mirëpo, kampioni spanjoll priti deri më 1 korrik, kur klauzola e Griezmannit zbriti në 120 milionë euro, për ta transferuar zyrtarisht pas 11 ditësh.
Griezmann nuk është ambientuar ende tek Barça, por kualitetet e kampionit botëror me Francën janë të padiskutueshme dhe pritet që ai të shpërthejë dita-ditës.
(Kosova Sot Online)