Kaka: “Do të ishte mirë nëse Van Dijk e fiton Topin e Artë”

Kaka e ka mirëpritur mundësinë që Virgil van Dijk ta fitojë Topin e Artë.

Mbrojtësi i Liverpoolit është një ndër kandidatët kryesor, bashkë me Lionel Messin, për t’u shpallur më i miri për vitin 2019.

Hera e fundit kur një mbrojtës e ka fituar Topin e Artë, është viti 2006, Fabio Canavaro e kishte rrëmbyer pas triumfit me Italinë në Kupën e Botës.

Van Dijk tashmë ka fituar çmimin e Lojtarit të Vitit nga UEFA dhe ka fituar çmimin e më të mirit në Premierligë sezonin e kaluar.

Numri 4 i Liverpoolit, përveç Topit të Artë, ka mundësi të fitojë edhe çmimin e më të mirit edhe nga FIFA.

30 lojtarët që do të garojnë për “Topin e Artë” do të mësohen nga France Football në Tetor dhe Kaka mendon se do të ishte mirë që sërish ta fitojë këtë çmim një mbrojtës.

“Është me të vërtetë mirë ta shohësh një lojtar si Van Dijk që lufton për të qenë më i miri”, tha Kaka.

“Do të ishte mirë të shohim një tjetër mbrojtës që e fiton një çmim të tillë (Topin e Artë). I fundit ka qenë Cannavaro, do të ishte mirë ta shohim atë duke luftuar për këtë”.

(Kosova Sot Online )