Prishtina – Rahoveci, kush është më Super?
Nesër mbrëma do të përballen Sigal Prishtina dhe Rahoveci, në kërkim të trofeut të Superkupës së Kosovës në basketboll.
Sezoni i ri në basketbollin kosovar do të hapet nesër mbrëma, me ndeshjen ndërmjet Sigal Prishtinës dhe Rahovecit.
Në fakt, kjo ndeshje do të jetë e vlefshme për Superkupën e Kosovës në basketboll, ku do të përballen dy skuadrat më të mira të edicionit të kaluar.
Ndeshja do të zhvillohet në palestrën e sporteve “Mizair Isma” në Rahovec duke filluar nga ora 20:30.
Ky njëherësh do të jetë trofeu i parë në sezonin e ri të basketbollit kosovar.
Sezonin e kaluar, Prishtina ishte kampione dhe fituese e Kupës së Kosovës.
(Kosova Sot Online)