Valon Ahmedi bëhet me skuadër të re, nënshkruan në Kroaci

  • 28 September 2019 - 08:26
Valon Ahmedi bëhet me skuadër të re, nënshkruan në Kroaci

Valon Ahmedi i ka dhënë fund pritjes disa javore si futbollist i lirë.

Mesfushori anësor së fundmi ka qenë lojtar i lirë pas shkëputjes së kontratës me klubin izraelit Hapoel Ironi. 24-vjeçari tani ka nënshkruar kontratë me klubin elitar kroat, Inter Zapresic dhe tanimë është prezantuar tek klubi kroat.

Shqiptari nga Maqedonia iu bashkua klubit kroat pas aventurave të kaluara edhe në Slloveni, ku fillimisht luajti me Celje e pastaj edhe me Mariborin. Anësori është shprehur shumë i lumtur që do të jetë pjesë e Inter Zapresic, ku ka premtuar se do të bëjë më të mirën për klubin.

“Do doja të falënderoj Inter për këtë mundësi që më jep, jam i lumtur të vij në Zapresiç. Do bëj më të mirën që të ndihmoj ekipin e gola dhe asistime”, deklaroi Ahmedi.

Kujtojmë që mesfushori anësor është edhe pjesë e Kombëtares së Shqipërisë, ku deri më tani ka luajtur dy ndeshje si titullar.

(Kosova Sot Online )