Ademi shënon pas pak minutave në fushë, s’ka minuta për Zhegrovën

  • 29 September 2019 - 18:40
Ademi shënon pas pak minutave në fushë, s’ka minuta për Zhegrovën

Ditë më parë shënoi gol të bukur për Baselin, por Zhegrova ka qenë vetëm në stol për sfidën me Lucern.

Basel ka triumfuar 3-0 në shtëpi kundër Lucern, në një ndeshje ku për 90 minuta qëndroi në stol talenti i Kosovës, Edon Zhegrova.

Ai ditë më parë shënoi gol të bukur, të parin për Baselin, por duket se kjo nuk ka mjaftuar që Koller t’i japë sërish minuta 20-vjeçarit.

Titullar këtë ndeshje e nisi vetëm Xhaka, edhe sulmuesi 23-vjeçar, Kemal Ademi ishte në stol.

Ai u inkuadrua në lojë minutën e 87’ dhe për të treguar se Koller po gabon edhe me të, ashtu si me Zhegrovën, shënoi gol për 3-0 në minutat e fundit të takimit.

Për Lucernin, 90 minuta luajti mesfushori i Kombëtares së Kosovës, Idriz Voca, derisa 23-vjeçari, Shkëlqim Demhasaj, u inkuadrua në lojë në minutën e 85’.

(Kosova Sot Online)