“Nuk do ta vras vetën nëse nuk e fitoj Champions Leaguen”

  • 30 September 2019 - 15:08
“Nuk do ta vras vetën nëse nuk e fitoj Champions Leaguen”

Pep Guardiola ka injoruar zërat e shumtë se Manchester City duhet ta fitojë Champions Leaguen këtë sezon, duke thënë se “S’do ta vras vetën” nëse dështon.

Pep është në sezonin e tretë në Angli dhe ka fituar shumë trofe, veçuar dy herë Premierligën, por trofeu i Champions League është ai që po i mungon klubit anglez dhe me ish-trajnerin e Barcelonës, të gjithë besojnë se mund të ia dalin.

“Po, definitivisht (triumfi në Champions League është hapi i radhës për City) por nganjëherë nuk është e mundur”, tha Guardiola në konferencë për media.

“Nganjëherë të duhen pesë vite, nganjëherë shumë më shumë. Barcelona është në zemrën time dhe fitoi Championsin e parë më 1992. Dua ta fitoj, por nëse se fitoj s’do të ndryshojë asgjë në jetën time. S’do ta vras vetën për këtë”.

“Në konferencën time të parë ishte e njëjta pyetje, jeni këtu për ta fituar Champions Leaguen. Unë dua ta fitoj, njerëzit në klub duan ta fitojnë, tifozët duan ta fitojnë, por është e pamundur të ndodhë dhe ta bëjmë këtë pa e ndj se duam ta bëjmë. Tentuam në sezonin e parë, në sezonin e dytë ku ishim në garë për katër trofe”, shtoi Guardiola, që shkroi histori në fund duke fituar tripletën për herë të parë në Angli.

(Kosova Sot Online)