Ballkani e shokon Prishtinën, Vushtrria nuk mbahet deri në fund
Java e nëntë në Superligën e Kosovës në futboll është mbyllur me tri ndeshje tejet interesante këtë të hënë (7 tetor).
Kryendeshja e javës u zhvillua në Suharekë, me ç’rast Ballkani e mundi 1-0 Prishtinën.
Golin e tri pikëve për ekipin e Ismet Munishit e shënoi Blend Baftiu në minutën e 55’.
Me këtë fitore, Ballkani ka rrëmbyer kreun në Ipko Superligë, me 20 pikë të grumbulluara, derisa Prishtina mbetet në pozitën e gjashtë me 13 pikë.
Sot u luajtën edhe dy ndeshje tjera, Trepça ’89 barazoi 1-1 me Feronikelin, derisa derbi i skuadrave të fundit ishte ajo mes Vushtrrisë dhe Flamurtarit që u zhvillua në ‘Ferki Aliu’. Edhe kjo sfidë u mbyll baras, 2-2.
(Kosova Sot Online )