Kontratë e re afatgjate për Ansu Fati
Barcelona e ka gati kontratën e re afatgjate me sulmuesin sensacional, i cili shpërtheu këtë fillim sezoni në Camp Nou
Barcelona është mjaft e kënaqur me paraqitjet e talentit të madh të futbollit, Ansu Fati.
Prandaj, gjiganti katalunas po mendon t’ia vazhdojë kontratën sulmuesit të ri.
Në kontratën e re të 16 vjeçarit pritet të përfshihet edhe klauzola e shkëputjes së kontratës me një vlerë prej 100 milionë eurosh.
E përditshmja spanjolle “Mundo Deportivo” shkruan se Fati do të nënshkruajë kontratë afatgjate.
Ai ishte sensacion i këtij sezoni duke i mbuluar me sukses mungesat e gjigantit katalunas në javët e para.
Fati njëherësh konsiderohet si Lionel Messi i ri.
(Kosova Sot Online )