Guardiola do ta respektojë kontratën me Cityn
Trajneri spanjoll nuk do të largohet nga “Citizens” deri në verën e vitit 2021, kur edhe i skadon kontrata
Pep Guardiola do ta respektojë deri në fund kontratën e tij me Manchester Cityn, shkruan “The Times”.
Trajnerit spanjoll i kanë mbetur edhe 18 muaj kontratë me “Citizens” dhe ai nuk do të largohet prej aty para verës së vitit 2021.
City ka mbetur prapa në tabelë, me 9 pikë mbas Liverpoolit, nga i cili u mposht 1:3 fundjavën që shkoi.
Prandaj, ky fakt e ka bërë të vështirë punën që Guardiola ta fitojë titullin e tretë radhazi në Angli.
Së fundmi spekulohej se ish-trajneri i Barcelonës e Bayern Munichut mund të largohet në fund të sezonit.
Mirëpo, City po planifikon të shpenzojë mbi 100 milionë euro në janar, për ta kërkuar suksesin në pjesën e dytë të sezonit.
Nga ana e tij, Guardiola duket i vendosur për të mbetur një tjetër sezon në “Etihad Stadium”.
(Kosova Sot Online)