Ardian Ismajli, drejt Serisë A

  • 13 nëntor 2019 - 15:29
Ardian Ismajli, drejt Serisë A

Ardian Ismajli është mbrojtësi që ka fituar zemrën e të gjithë tifozëve me paraqitjen e bërë te Kombëtarja.

Vendin do ta merrte në formacion që në ndeshjen debutuese, për t’u mos ulur më në stol.

Në mediat italiane raportojnë se shumë skautë kanë shkuar për të parë Ismajli.

Mbrojtësi shqiptar ka interesimin e klubeve si Bolonja apo Atalanta.

Por “Sport Ekspres” mëson se ka edhe tre klube të tjera që kërkojnë nga Seria A shërbimet e këtij futbollisti.

Emrat nuk bëhen ende të ditur, por mbi të gjitha jemi vetëm në fazën e interesimit.

Pra, për momentin nuk kemi ende një fazë të avancuar të bisedimeve, ndërsa në janar pritet edhe lëvizja e madhe.

(Kosova Sot Online)