Zyrtare: Maradona jep dorëheqje nga Gimnasia
Klubi argjentinas Gimnasia LP ka konfirmuar se Diego Maradona ka dhënë dorëheqje nga posti i trajnerit të ekipit.
Ditë më parë u raportuar se Maradona do të dorëhiqej nëse presidenti i klubit Gabriel Pellegrino nuk do të garonte për t’u rizgjedhur. Kështu edhe ndodhi.
“Maradona nuk është më trajner i Gimnasia”, ka konfirmuar klubi.
“Trajneri i ekipit rezervë Mariano MAssera do ta udhëheqë ekipin kundër Arsenal Sarandi”, thuhet tutje në njoftim.
59-vjeçari u emërua në shtator dhe i kishte ndryshuar gjërat për të mirë, duke i fituar tri nga pesë ndeshjet e tij si trajner.
(Kosova Sot Online)