PSG i hap bisedimet për kontratë të re me Mbappen
Sulmuesi francez ndërkohë pëlqehet nga Real Madridi dhe spekulohet se në fund të këtij sezoni mund të largohet nga Parisi.
Paris Saint-Germaini i ka hapur bisedimet për vazhdimin e kontratës me Kylian Mbappe.
Lajmin e ka bërë të ditur e përditshmja franceze “L’Equipe”.
Kampioni i botës me Francën kishte nënshkruar kontratë pesëvjeçare me kampionin francez kur kishte zbarkuar nga Monaco në vitin 2017.
Mirëpo, gjiganti i Ligue 1 është i vendosur ta bindë futbollistin ta nënshkruajë një kontratë të re afatgjate.
Ndërkohë, flitet se Mbappe mund të largohet nga Parisi verën e ardhshme.
Interesim serioz për të ka shfaqur Real Madridi.
(Kosova Sot Online)