Dortmundi ka gati 30 milionë euro për dyshen e Juventusit

  • 28 November 2019 - 10:30
Dortmundi ka gati 30 milionë euro për dyshen e Juventusit

Të padëshiruarit e Juventusit, Mario Mandzukic dhe Emre Can janë duke u lidhur me një transferim te Borussia Dortmund, të cilët thuhet se po përgatisin një ofertë prej 30 milionë euro për të dy.

Sipas mediumit Sport Bild, gjigantët e Bundesligës po shikojnë mundësinë e sjelljes së dyshes së Juventusit në Signal Iduna Park këtë janar, pasi ata kanë mbetur mbrapa në garën për titull. Can ka konfirmuar se nuk është i kënaqur me situatën e tij te Juve dhe Mandzukic është në kërkim të një skuadre të re pasi ndihet i padëshiruar nga Maurizio Sarri. Ish-reprezentuesi kroat është lidhur me një transferim te Manchester Unitedi në Ligën Premier muajin e kaluar, por raportet po pretendojnë se Dortmund po përpiqet ta rrëmbejë atë dhe ta kthejë në Gjermani.

Ish-sulmuesi i Atletico Madridit është i njohur me kampionatin gjerman pas magjive tek skuadrat Wolfsburg dhe Bayern Munich. Gazeta gjermane pretendon se Dortmundi shpreson të nënshkruajë dyshen për një total prej 30 milionë euro, ndërsa Juventus pret një shifër të tillë vetëm për Emre Can.

Bianconerët po përgatiten për ndeshjen kundër Sassuolo në Serie A këtë fundjavë dhe mbeten në krye të ligës pas një starti të pamposhtur nën Sarrin këtë sezon. 

(Kosova Sot Online )