Pamje: Usman e mbron titullin me nokaut ndaj Covington

  • 15 December 2019 - 11:04
Pamje: Usman e mbron titullin me nokaut ndaj Covington

Nigeriani Kamaru Usman mbron titullin kampion bote në peshën “welterweight” (pesha 71-77kg) në artet marciale mikse.

Ai mundi me “KO teknik” në raundin e pestë dhe të fundit amerikanin Colby Covington. Sfida mes tyre u zhvillua mëngjesin e sotëm në Las Vegas e vlefshme për eventin UFC-245. 

Nj përballje që po shkonte drejt fundit dhe ku Covington e Usman po bënin një duel të jashtëzakonshëm, me grushte e shkelma, ku fituesi dukej në dilemë. Por Usman arriti të lëshojë disa grushte në raundin e fundit, duke detyruar gjyqtarin të ndalë para kohe duelin dhe t’i japë atij fitoren.

Usman mbron kështu titullin kampion bote, duke korrur suksesin e 16-të në karrierën e tij, e 15-ta radhazi, ndërkohë që ka vetëm një humbje. Ndërsa për Covington, i preferuari i presidentit amerikan Trump, që e ka konsideruar patriot, kjo është humbja e dytë në karrierë (ka edhe 15 fitore).

(Kosova Sot Online)

gazeta kosovasot Kosovare kampion marciale Nigeriani