Mjeku zbulon gjendjen shëndetësore të Schumacherit

  • 17 dhjetor 2019 - 12:58
Mjeku zbulon gjendjen shëndetësore të Schumacherit

Tifozët kanë qenë në kërkim të lajmeve për gjendjen shëndetësore të Michael Schumacherit që kur ai pësoi lëndim në tru nga një aksident skijimi. Përderisa familja e tij ka qëndruar e heshtur, mjeku i tij e ka thyer këtë heshtje dhe e ka zbuluar gjendjen shëndetësore të ish-kampionit të Formula 1.

Michael Schumacheri është ende duke marrë terapi, që pritet të zgjasë deri në tre vjet. “Ai e ka një plan një deri në trevjeçar për shërim, për periudhën e rigjenerimit”, ka thënë Jean-Francois Payen, mjeku që e konfirmoi i pari vitin e kaluar se legjenda e Formula 1 nuk ishte më në komë.

Payen gjithashtu zbuloi se ai rregullisht e viziton Schumacherin. “Unë ende e vizitoj atë dhe flas për familjen për çfarëdo progresi që shoh”, shtoi mjeku. Megjithatë, ai nuk pranoi të zbuloj më shumë detaje, pasi që tha e respekton vendimin e familjes për ta mbajtur gjendjen e Schumacherit sekrete.

Megjithatë, Payen shtoi se Schumacheri është në gjendje pozitive dhe po shkon drejt shërimit. Ai gjithashtu tha se bashkëshortja e Schumacherit, Corinna, është duke e bërë maksimumin për t’i ndihmuar bashkëshortit të saj të shërohet sa më shpejt, duke ia krijuar kushtet optimale për shërim.

“Ajo menjëherë e dinte sa serioze ishte situata dhe e dinte rrugën e gjatë që e kishim para vetes. Ajo i sheh gjërat shumë qartësisht dhe është e gatshme të bëjë gjithçka për ta përmirësuar gjendjen e bashkëshortit të saj”. 

(Kosova Sot Online)