Pamje brenda apartamentit të ri të Ronaldos në Lisbonë

Cristiano Ronaldo e ka blerë një apartament të ri gjashtë milionë eurosh në Lisbonë të Portugalisë dhe pamjet nga brenda apartamentit i kanë lënë të mahnitur tifozët e portugezit.

Apartamenti i ri i Cristiano Ronaldos është më i shtrenjti i shitur ndonjëherë në Lisbonë dhe aty ka një dhomë për ushtrime fizike, si dhe një pjesë ku është e vendosur një pishinë.

Ajo është e vendosur në një lagje afër parkut Eduardo VII, që është afër lagjes ku ishte rritur Cristiano Ronaldo si fëmijë.

Cristiano Ronaldo raportohet se kishte qenë në luftë me dy milionerë të tjerë për ta blerë këtë apartament në Lisbonë.

Banesa ishte blerë qysh në korrik, mirëpo vetëm tani është raportuar nga mediat portugeze se pronari i saj është ylli portugez i Juventusit. 

(Kosova Sot Online)