Zidane rikuperon James Rodriguezin

James ka lënë prapa lëndimin

Një ditë pas ‘El Clasicos’, që përfundoi 0-0 në ‘Camp Nou’, Real Madridi ka marrë një lajm të mirë.

James Rodriguez ka lënë prapa dëmtimin.

28-vjeçari është stërvitur normalisht të enjten me pjesën të skuadrës.

Futbollistët që startuan kundër Barcelonës, kanë bërë disa vrapime e stërvitje të lehta, derisa ata që qëndruan në stol, kanë bërë ushtrime normale.

Pas barazimit me Barçën 0-0, Reali ka nisur përgatitjet për sfidën e së dielën në ‘Santiago Bernabeu’, që do ta zhvillojë me Athletic Bilbaon, e fundit për vitin 2019.

(Kosova Sot Online)