Pamje: Dubois fiton përsëri me nokaut mahnitës ndaj Fujimotos

  • 22 December 2019 - 10:08
Pamje: Dubois fiton përsëri me nokaut mahnitës ndaj Fujimotos

Daniel Dubois e ka zgjatur rekordin e boksierit të pamposhtur, pasi e rrahu Kyotaro Fujimoton me një nokaut mahnitës të shtunën në Copper Box Arena në Londër.

22-vjeçari nga Britania e Madhe, i cili shihet si njëri prej pretendetëve për titull të botës në kategorinë e rëndë, e dominoi kundërshtarin e vet japonez, duke e hedhur në dysheme me një kroshe në rundin e dytë.

Fujimoto u ngrit në këmbë por një goditje brutale me të djathtën nga britaniku e bëri atë që kërkojë ndihmë mjekësore në dysheme. 

“Ia dhashë një goditje të ëmbël dhe kaq ishte, natën e mirë”, tha Dubois pas meçit.

Dubois i ka rrahur me nokaut 13 nga 14 kundërshtarët e tij deri tani dhe promotori i tij, Frank Warren, ka paralajmëruar se ai do ta ketë mundësinë për të luftuar për një titull bote në fund të vitit 2020.

 

(Kosova Sot Online)

gazeta kosovasot Arena Kosovare Dubois boksierit