Jo vetëm Juve e Inter, Marash Kumbulla kërkohet edhe nga Manchester United!

Pas Inter dhe juventus, edhe Manchester United e do Marash Kumbullën

Për Marash Kumbullën nuk interesohen vetëm dy gjigandët e futbollit italian, Juventusi dhe Interi, pasi sëfundmi mbrojtësi i Kombëtares shqiptare i cili ka bërë një sezon të shkëlqyer deri tani me fanellën e Veronës ka përfunduar në radarët e Manchester United.

Djajtë e Kuq e kanë ndjekur lojtarin dhe shikojnë te Kumbulla një të ri premtues që mund të ketë një karrierë fantastike për këtë arsye kanë nisur edhe kontaktet e para me drejtuesit e Hellas.

Fillimisht ka qenë Juventusi që ka shfaqur interes për lojtarin ndërkohë që në javët e fundit ka lëvizur edhe Interin, por me hyrjen në garë të United, konkurenca pritet të jetë më e ashpër.

Aktualisht kartoni i Kumbullës vlerësohet rreth 15 milionë euro, por nëse vazhdon me këto paraqitje vlera e shqiptarit do të rritet ndjeshëm.

(Kosova Sot Online)