Dortmundi i kërkon 115 milionë euro për Sanchon
Interesim për yllin anglez kanë shfaqur klubet e Premierligës, të cilat e duan atë qysh në janar. Gjithashtu, futbollistin e Borussia Dortmundit e pëlqejnë edhe gjigantët spanjollë.
Borussia Dortmundi e ka vendosur çmimin për Jadon Sanchon.
Ylli anglez po kërkohet me të madhe nga klubet e Premierligës, të cilat e duan atë qysh në afatin kalimtar të janarit.
Chelsea është klubi më i interesuar për përfaqësuesin anglez, por nuk mbeten prapa as Manchester United, Manchester City e Liverpooli.
Klubi nga Gjermania i kërkon 115 milionë euro për mesfushorin ofanziv, i cili po shkëlqen në Bundesligë në dy sezonet e fundit.
Sancho është prioritet i Chelseat, i cili ndërkohë i ka në opsion edhe Wilfried Zahan e Crystal Palacet e Timo Wernerin e Leipzigut.
Ndërkohë, Sanchon e pëlqejnë edhe dy gjigantët spanjollë, Real Madrid dhe Barcelona.
(Kosova Sot Online)