Vazhdon dominimi i Barçës në Spanjë
Gjiganti katalunas e dominoi një tjetër sezon në La Liga duke e fituar titullin e 26-të të kampionit në histori.
Barcelona e vazhdoi dominimin në futbollin spanjoll edhe në vitin 2019. Gjiganti katalunas e fitoi titullin e kampionit në La Liga pas sigurisë që e shfaqi në edicionin e fundit.
Lionel Messi me shokë e fituan titullin e dytë radhazi në kampionatin spanjoll.
Ndërkohë, Barça e siguroi titullin e 26-të të kampionit në histori të klubit.
Gjiganti katalunas e siguroi titullin më 27 prill pasi e mundi Levanten 1:0, tri ndeshje pa përfunduar sezoni 2018/19.
Me këtë rast, Barça e fitoi titullin e tetë në 11 sezonet e fundit në Spanjë.
Blaugrana e mbyllën sezonin paraprak me 87 pikë të grumbulluara, duke e lënë Atletico Madridin prapa me 9 pikë në fund.
Kurse, Reali përfundoi në pozitën e tretë në tabelë me 68 pikë.
Këtë sezon, ndërkohë, po bëhet luftë e ashpër për titull kampioni në mes të Barçës së Ernesto Valverdes dhe Realit të Zinedine Zidanet.
Ndërkohë, Barça nuk arriti ta fitonte edhe trofeun e dytë sezonal.
Në fakt, Copa del Rey, respektivisht Kupa e Mbretit në Spanjë i takoi Valencias.
Klubi nga “Mestalla” e mposhti pikërisht Barcelonën në finalen e 26 majit me rezultat 2:1
Goli i Leo Messit ishte i pamjaftueshëm për Barçën pasi paraprakisht për Valencian kishin shënuar Gameiro dhe Rodrigo.
Ndërkohë, në fillim të janarit 2020 do të zhvillohet Superkupa e Spanjës, ku këtë radhë do të marrin pjesë katër ekipe.
Në gjysmëfinale do të luajnë Valencia – Real Madrid dhe Barcelona – Atletico Madrid.