Natë e paharrueshme për Arsenalin dhe Xhakën, media angleze me fjalë të mëdha për kosovarin

Arsenali dhe Granit Xhaka realizuan një nga paraqitjet më të mira pas një kohe të gjatë teksa gjunjëzuan Mançester Junajtid në shtëpi me fitoren 2-0.

Mediat angleze kanë shkruar me superlativa për skuadrën londineze, trajnerin Mikel Arteta dhe në veçanti për 27-vjeçarin shqiptar.

“Daily Express” e vlerësoi me notën 7 performancën e Xhakës përballë “Djajve të Kuq” madje duke e konsideruar lojën e sotme të tij si të duhurën për “një kapiten ekipi”. 

Me paraqitjen e sotme ndaj Mançester Junajtid, e ardhmja e Granit Xhakës mund të marrë një drejtim të papritur nëse tekniku Arteta i beson sërish vendin në formacionin titullar.

Granit Xhaka (7): Punoi mirë së bashku me Torreiran dhe dhanë shembull në qendrën e fushës. Një paraqitje që mund të përkthehet ndryshe si lojë prej kapiteni, nëse do ta mbante shiritin.

(Kosova Sot Online)