20 sekondat e tenistit Tsitsipas: E humb setin, e lëndon babanë dhe qortohet nga nëna
Në një moment të çuditshëm në ATP Cup, tenisti grek Stefanos Tsitsipas e la babanë e tij të gjakosur dhe u qortua nga nëna e vet, pasi që e humbi një set dhe mbeti i zemëruar – të gjitha këto brenda 20 sekondave.
Stefanos Tsitsipas e humbi setin e parë të ndeshjes kundër australianit Nick Kyrgiosit në ATP CUP dhe në shenjë zemërimi e gjuajti raketën e tij të tenisit në stol.
Raketa e tij e tenisit u bë copë-copë dhe një pjesë e saj e lëndoi babanë e tenistit, duke e lënë atë të gjakosur në krahë. Apostolos ishte i ulur në stol pasi që është pjesë e stafit të trajnerëve të djalit të tij.
Megjithatë, ky moment nuk përfundoi me kaq, pasi që Stefanos më pas u qortua nga nëna e tij, Julia, e cila u ngrit në këmbë nga tribunat për t’i bërtitur djalit të saj.
Zemërimi i Tsitsipasit nuk përfundoi këtu, pasi që në fund ai e humbi ndeshjen në sete 7-6, 6-7 dhe 7-6.
Here's the moment Stefanos Tsitsipas injured his Dad Apostolos when he smashed his racket!!
— JC ë. (@Joe__Tennis) January 7, 2020
(@ATPMedia @primevideosport ë) pic.twitter.com/QDLgJlbrOh
(Kosova Sot Online)