Super-ndeshjet e së shtunës, spikat derbi Tottenhem – Liverpool
Rikthehen emocionet e futbollit evropian.
Këtë fundjavë janë në program super-ndeshje, derisa padyshim se vëmendja do të jetë në ishull.
Kryesuesi i Premier Ligës dhe njëri nga pretendentët kryesorë për titull në Angli, Liverpooli, i shkon Tottenhemit të Jose Mourinhos, i cili e ka trenin e fundit për ta zënë hapin në luftë për një vend që dërgon në Ligën e Kampionëve.
Edhe në Itali sot luhen ndeshje interesante. Milani që po kalon nëpër një formë aspak të mirë, i shkon Cagliarit në Sardegnia, me të vetmin synim fitoren, ani pse gjasat për vendin e katërt, thuajse i ka humbur. Në anën tjetër, “ishi” i Milanit, Gattuso dhe skuadra e tij, Napoli, do ta kenë një udhëtim tejet të vështirë, pasi i shkojnë Lazios në Olimpico.
Humbja javën e kaluar nga Interi, është forcë shtytëse për nënkampionët aktual italian që të synojnë trepikëshin. Në mbrëmje, Interi e pret Atalantën, që e siguroi fazën e eliminimit direkt në Ligën e Kampionëve, pas fitores fenomenale si mysafire e Shakhtarit.
Më poshtë takimet kryesore, kurse mbetet të shihet sesi do të rrjedhin gjërat. Ne do t’iu raportojmë në kohë reale për çdo ndryshim eventual.
(Kosova sot Online )