Ozil përsëri i lumtur: Arteta ka kthyer stilin e dikurshëm

Mesfushori kreativ i Arsenalit, Mesut Ozil ndjen se trajneri Mikel Arteta po e rikthen mënyrën e tyre tradicionale të të luajturit.

Ozil, 31 vjeç, ishte lënë mënjanë nga ish-menaxheri Unai Emery në fillimin e këtij sezoni, duke bërë vetëm katër paraqitje në Ligën Premier. Por, ai është rikthyer përsëri në skuadër nën urdhrat e Artetas dhe me trajnerin e ri thotë se është kthyer stili i lojës së dikurshme dhe buzëqeshja te Arsenali.

“Në thelb po na rikthen virtytet e vjetra të Arsenalit. Luftimi dhe zotërimi i fushës, duke qenë nën kontrollin e lojës, duke pasur topin gjatë gjithë kohës”, ka thënë fillimisht Ozil.

“Këto janë gjërat që ai po punon me ne dhe ju mund t’i shihni ato – të gjithë janë duke buzëqeshur, duke qeshur, duke shijuar kohën e tyre – kjo na ka bërë të suksesshëm”.

“Unë mendoj se ai është njeriu i duhur në këtë klub”.

“Ai mund të na tregojë gjithçka që ka mësuar në karrierën e tij të gjatë. Ai e di saktësisht se çfarë na duhet”.

“Ai e di se çfarë të na thotë, si të na japë një qëndrim pozitiv dhe si të na bëjë të suksesshëm”.

“Unë mund të shoh se ai është me të vërtetë i uritur, por në të njëjtën kohë ai është gjithashtu me këmbë në tokë”, përfundoi ylli gjerman.

(Kosova Sot Online )