Konfirmohet gjithçka, Adnan Januzaj gjithnjë më pranë Romës
Liverpool nuk dëshiron ta huazojë Xherdan Shaqirin të Roma, kështu që ata po e kërkojnë kosovarin tjetër Adnan Januzaj, shkruan Sportitalia.
Trajneri i Romës Paulo Fonseca ka konfirmuar sot në konferncë për shtyp se ata më nuk janë në garë për Matteo Politanon pasi që Interi nuk dëshiron shkëmbim të tij me Leonardo Spinazzola.
Megjithatë, ata janë duke kërkuar zëvendësim për të lënduarin Nicolo Zaniolo, i cili do të jetë jashtë për tërë sezonin shkaku se ka këputur ligamentet e gjurit.
Suso dhe Shaqiri ishin zgjedhjet e para, por Milan dhe Liverpool po refuzojnë që ti lejojnë ata në huazim me opsion blerjen.
Tani, sipas Sportitalia, Roma ka bërë kontaktet e para me Real Sociedad për sulmuesin Adnan Januzaj të cilin mund ta marrin në huazim me opsion blerjen për 15 milionë euro.
Kosovari që përfaqëson Belgjikën do të mbush 25 vjet muajin e ardhshëm, kështu që ende është i ri, pavarësisht se ai nuk i ka plotësuar pritjet që ishin për të gjatë kohës sa ishte në Manchester United dhe Borussia Dortmund.
Ai ishte shitur në Real Sociedad për 8.5 milionë euro në verën e vitit 2017, ku deri me tani ka shënuar katër gola dhe katër asiste në 13 ndeshje garuese.
Roma “është njëra prej klubeve të interesuara për Adnan Januzaj gjatë afatit kalimtar të janarit”, ka konfirmuar agjenti i tij.
Sportitalia raportoi në mesditë që Giallorossi e kanë kthyer fokusin tek kosovar pasi që dështuan për ta marrë Matteo Politanon dhe Xherdan Shaqirin.
Për këtë SiamoLaRoma24.it ka kontaktuar me agjentin e Januzaj, Dirk de Vriese për të komentuar këto shkrime.
“Po, Roma është njëra nga klubet e interesuara për Januzajn gjatë afatit kalimtar të dimrit”, ka konfirmuar ai për këtë media.
“Giallorossi janë një klub i madh, kështu që natyrisht atij i pëlqen ideja për t’ju bashkuar atyre. Për momentin nuk mund të jap detale”, ka thënë agjenti i kosovarit.
Raportohet se Roma po e kërkon atë në formë huazimi me të drejtë blerje 15 milionë euro në fund të sezonit.
(Kosova Sot Online)
