Eriksen mbërrin në Milano, gati të vishet zikaltër

  • 27 January 2020 - 10:56
Eriksen mbërrin në Milano, gati të vishet zikaltër

Christian Eriksen ka mbërritur në Milani me aeroplan privat, ku do t’iu nënshtrohet sot testeve mjekësore, para se ta kompletojë kalimin në Inter nga Tottenham për 20 milionë euro.

Ai u prit në aeroport nga menaxheri i ekipit të Interit, Mattia Tagliacarne dhe një grup gazetarësh.

Përfaqësuesi i Danimarkës fluturoi nga Londra pas një jave negociatash të tensionuara mes dy klubeve.

Marrëveshja për të u arrit në fundjavë për 20 milionë euro.

Shefi ekzekutiv i Interit, Beppe Marotta, kishte shpresuar ta bindë Tottenhamin ta ulë çmimin e 27-vjeçarit, duke ditur se ai do të ishte lojtar i lirë pas gjashtë muajve, por klubi anglez refuzoi dhe ia arriti qëllimit.

Eriksen është blerja e tretë e Interit nga Premierliga në janar, pas Ashley Young që erdhi nga Manchester United dhe Victor Moses nga Chelsea.

(Kosova Sot Online)

gazeta kosovasot Kosovare Interi milan Christian Eriksen