Imazhet e para të tmerrit: Ky është vendi ku u përplas helikopteri i Kobe Bryant

Bota e sportit vazhdon të vajtojë për humbjen e papritur të legjendës së basketbollit, Kobe Bryant.

41 vjeçari gjeti vdekjen së bashku me vajzën e tij, Gianna dhe shtatë persona të tjerë pas përplasjes në një kodër të helikopterit të tij në Kaliforni.

Mediet e huaja kanë publikuar disa fotografi të shkrepura pak minuta pas aksidentit fatal.

Raportohet se kanë qenë dy çiklistë që kanë mbërritur të parët, të cilët edhe kanë bërë këto fotografi.

Këto fotografi janë duke u përdorur edhe për hetimet që po kryhen, për përplasjen e helikopterit, i cili nuk ka pasur kuti të zezë.

(Kosova Sot Online)