Dy klube në garë për të padëshiruarin e Man United, Jesse Lingard
Atletico Madridi dhe Roma janë duke udhëhequr në garë për mesfushorin e Manchester Unitedit, Jesse Lingard, sipas ESPN-së.
Aftësitë dhe cilësitë e përfaqësuesit të Anglisë janë vënë në pikëpyetje kohëve të fundit, pasi i ka rënë forma skajshmërisht.
Ai mund ta ketë mundësinë ta rizbulojë formën shndritëse në ndonjë klub tjetër evropian.
“Atletico Madrid dhe Roma i prijnë garës për ta blerë Jesse Lingardin, nëse ai largohet nga Man United”, ka shkruar ESPN, duke iu referuar burimeve të veta.
Atletico Madrid and Roma are leading the chase to sign Jesse Lingard if he leaves Man United, sources have told ESPN. pic.twitter.com/Ijezd77bTh
— ESPN FC (@ESPNFC) February 3, 2020
Lingard është duke e përjetuar një sezon të tmerrshëm në Old Trafford, pasi ka një vjet që nuk ka shënuar gol apo asistuar në Premierligë.
Ndërkohë, ardhja e Bruno Fernandes nga Sporting Lisbon gjatë afatit kalimtar të janarit nënkupton se gjasat e Lingardit për të zënë në formacion të parë në skuadrën e Ole Gunnar Solskjaer janë edhe më të pakta tani.
Kjo pasi edhe Fernandes, si Lingard, është numër 10 natyral dhe luan në pozitën e njëjtë.
(Kosova Sot Online)