Galatasaray nuk heq dorë nga objektivi i vjetër – Xherdan Shaqiri
Gjiganti turk nuk e ka ndërmend të heq dorë assesi nga futbollisti kosovar, të cilin e do qe një kohë të gjatë. Mosangazhimi i tij në ndeshjet e këtij sezoni me Liverpooli mund ta favorizojë klubin nga Stambolli.
Xherdan Shaqiri nuk po gjen assesi hapësira në fanellën e Liverpoolit.
Prandaj, futbollisti kosovar mund të largohet nga kampioni evropian dhe botëror gjatë verës që vjen.
Përfaqësuesin kosovar qe një kohë të gjatë e pëlqen Galatasaray.
Dhe, mediat turke shkruajnë se gjiganti nga Stambolli e ka rikthyer interesimin për 28 vjeçarin.
Galatasaray synon të jetë sa më i suksesshëm këtë sezon në Superligën turke dhe të kualifikohet në Ligën e Kampionëve për sezonin e ardhshëm.
Me këtë rast, klubi më i madh turk do ta kishte mundësinë ta bindte më lehtë ish-futbollistin e Baselit, Bayern Munichut, Interit dhe Stoke Cityt që të zbarkojë në kryeqytetin turk, shkruan e përditshmja turke “Sabah”.
Shaqiri e ka realizuar vetëm një gol këtë sezon me Liverpoolin, me të cilin i ka zhvilluar 6 ndeshje.
Ai ka kontratë me “Reds” deri në vitin 2023, por mund të largohet nga “Anfield Road” në fund të sezonit.
(Kosova Sot Online)