Juventusi ia vazhdon kontratën mesfushorit francez

  • 24 February 2020 - 10:09
Juventusi ia vazhdon kontratën mesfushorit francez

Blaise Matuidi ka njoftuar se Juventusi ka vendosur ta aktivizojë opsionin për zgjatjen e kontratës së tij për edhe një vjet tjetër në Allianz Stadium.

Kontrata aktuale e mesfushorit francez, fituesi i Kupës së Botës më 2018, do të mbaronte në përfundim të këtij sezoni, por 32-vjeçari do të vazhdojë me bardhezinjtë për edhe një sezon tjetër.

“Në kontratën time e kisha një opsion për edhe një vjet tjetër. Juventusi e aktivizoi atë. nuk kam dyshuar asnjëherë. U besoj të gjithëve”, tha Matuidi për Sport24.

Matuidi iu bashkua kampionit italian nga Paris Saint-Germain më 2017 dhe që prej atëherë i ka zhvilluar 118 ndeshje në fanellën bardhezi.

Gjatë kësaj periudhe, ai i ka shënuar tetë gola dhe i ka dhuruar shtatë asiste.

(Kosova Sot Online )