Manchester City e mund me përmbysje Real Madridin midis Bernabeut

26 February 2020 - 23:06

Manchester City e ka mundur me përmbysje 2:1 Real Madridin në ndeshjen e parë të 1/8 së finales mes tyre në Ligën e Kampionëve të mërkurën, duke e bërë një hap të madh drejt çerekfinales.

Gabriel Jesus dhe Kevin de Bruyne shënuan në një hapësirë prej pesë minutave për ta përmbysur Realin që kishte kaluar në epërsi përmes Iscos në Bernabeu.

Përveç se e humbi takimin, Zinedine Zidane e humbi edhe kapitenin Sergio Ramos i cili u ndëshkua me karton të kuq dhe do të mungojë në ndeshjen e kthimit.

(Kosova Sot Online)