Lyoni e fiton ndeshjen e parë ndaj Juventusit në 1/8 e finales në Champions

Lyoni e ka mposhtur 1:0 Juventusin në ndeshjen e parë të 1/8 së finales mes tyre në Ligën e Kampionëve, duke krijuar një avantazh të rëndësishëm në përpjekje për të kaluar në çerekfinale.

Lucas Tousart e shënoi atë që ishte goli i vetëm dhe i triumfit të francezëve në stadiumin olimpik të Lionit dhe i cili mund të jetë vendimtar para ndeshjes së kthimit në Torino.

Lyoni do të kërkojë të shkaktojë tronditje dhe t’u japë fund shumë herët shpresave të Juventusit dhe Cristiano Ronaldos për ta fituar Championsin, kur ta vizitojë Torinon më 17 mars.

(Kosova Sot Online)