Ronaldo kapet duke i fajësuar bashkëlojtarët për humbjen ndaj Lyonit
Cristiano Ronaldo dhe Paulo Dybala janë kapur nga kamerat duke i fajësuar bashkëlojtarët e vet mesfushorë se nuk u ofronin përkrahje atyre gjatë humbjes së Juventusit kundër Lyonit në Ligën e Kampionëve.
Kampioni italian u mposht 1:0 në ndeshjen e parë të fazës së 16 më të mirëve në Champions, duke lënë që gjithçka të vendoset në ndeshjen e kthimit më 17 mars në Torino.
RMC Sport e ka publikuar një video të xhiruar në tunel, ku shihen lojtarët e Juves duke pritur për t’u kthyer në fushë për pjesën e dytë.
Ronaldo dhe Dybala, të pavetëdijshëm se prapa tyre po xhironte një kamerë, bisedonin mes vete në gjuhën spanjolle.
“Kemi mbetur vetëm në fushë, mesfushorët nuk po na ofrojnë përkrahje”, u ankua Ronaldo.
“Askush nuk po e merr topin”, u përgjigj Dybala.
“E di, madje as topat e dytë, asgjë”, ishte reagimi i Ronaldos.
Intervallo di lione-Juve, Ronaldo: " i centrocampisti non ci danno abbastanza supporto, siamo da soli"
— emilio (@emi_80_te) February 29, 2020
Dybala: "non la prende nessuno"
Ronaldo: " si anche sulle seconde palle, niente" pic.twitter.com/hmD4VlOD45
(Kosova Sot Online)
