I riu udhëton mbi 13 mijë kilometra për ta parë Milanin, Serie A e shtyn lojën
Një i ri ka udhëtuar më tepër se 13 mijë kilometra për të realizuar ëndrrën e tij, të shikojë Milanin në “San Siro”, në ndeshjen përballë Genoas, por gjithçka dështoi pas vendimit të djeshëm të Ligës, për të shtyrë takimin.
Bëhet fjalë për David Mora Cvitanic, i cili zbuloi nëpërmjet rrjeteve sociale se kishte udhëtuar nga Patagonia, një rajon në skajin më jugor të Amerikës së Jugut, mes Argjentinës dhe Kilit, por që nuk do të mund të shohë Milanin e tij.
Për më tepër, Cvitanic nuk do të mund të vizitojë as muzeun e klubit kuqezi pranë stadiumit “San Siro”, gjithashtu i mbyllur për shkak të gjendjes alarmante të shkaktuar nga përhapja e Coronavirusit në vendin fqinj.
From the Chilean Patagonia I traveled more 13,300km to see you my @acmilan , I will not have the joy of supporting you from the mythical San Siro. but the feeling is great, it brought me from the southern lands of the world to here #ForzaMilan pic.twitter.com/jTnx65XYLc
— David Mora Cvitanic (@DavMoraCvitanic) February 29, 2020
(Kosova Sot Online)