Dy gola të shpejtë në derbin Drita – Prishtina
Drita është duke e mundur Prishtinën me rezultat 2:1, në derbin e javës në Ipko Superligë, që është duke u zhvilluar momentalisht në Gjilan.
Otto John shënoi për 1:1 në minutën e 71-të, pasi goditja e tij me kokë përfundoi në rrjetën e portës së Gjilanit, duke i shpëtuar nga dora portierit Faton Maloku.
Por vetëm gjashtë minuta më vonë, Astrit Fazliu, një tjetër ish-lojtar i Prishtinës, realizoi supergol për Dritën, duke e kthyer epërsinë e gjilanasve.
Siç qëndrojnë gjërat, Drita tani grumbullon 43 pikë, në vendin e dytë, një më pak se lideri Ballkani, i cili ende nuk e ka zhvilluar ndeshjen e kësaj jave, dhe dy më shumë se Prishtina.
Ndërkohë, në takimin tjetër të kësaj jave, që po zhvillohet momentalisht në Podujevë, Llapi është duke fituar 2:1 ndaj Gjilanit.
(Kosova Sot Online)