Zyrtare: Shtyhen edhe ndeshjet e Premierligës
Pas Serie A dhe La Liga, edhe Premierliga i ka shtyrë ndeshjet e saj.
Premierliga e mori këtë vendim pasi koronavirusi “zbarkoi” edhe në kampionatin anglez deri më 3 prill.
Për momentin është i konfirmuar infektimi me këtë virus i trajnerit të Arsenalit, Mikel Arteta dhe i futbollistit të ri të Chelseat, Callum Hudson-Odoi.
Gjithashtu, dyshohet që edhe një futbollist i Evertonit është i prekur nga ky virus.
Arsenali, Chelsea dhe Evertoni u futën në vetë-izolim mbrëmë dhe sot.
Ndërsa, drejtuesit e Premierligës, në takim me krerët e klubeve, vendosën sot përfundimisht për shtyrjen e ndeshjeve, pasi nuk ekzistojnë kushtet për zhvillimin e tyre.
Gjithashtu, janë pezulluar të gjitha ngjarjet tjera sportive në Britaninë e Madhe deri në fillim të prillit.
(Kosova Sot Online)