Roma mund ta blejë Mkhitaryanin
Arsenali është i hapur për ta shitur tek “Giallorossi” mesfushorin armen, i cili është i huazuar këtë sezon në Itali
Arsenali është i hapur për t’ia shitur Romës, Henrikh Mkhitaryanin.
Për këtë është e bindur e përditshmja italiane “La Gazzetta Dello Sport”.
“Gunners” janë të gatshëm të presin oferta për 31 vjeçarin, i cili është i huazuar këtë sezon në “Stadio Olimpico”.
Roma mund të vendosë shpejt nëse do ta mbajë mesfushorin kualitativ më gjatë.
Ish-futbollisti i Borussia Dortmundit dhe Manchester Unitedit i ka realizuar 6 gola tek Roma këtë sezon.
“Topçinjtë” nuk llogarisin më në shërbimet e tij, prandaj po e kërkojnë një klub që mund ta blejë lojtarin.
(Kosova Sot Online)